TheDeath

標題: 驚喜 [打印本頁]

作者: aL一FsJrbb 時間: 2011-8-22 16:19:13 標題: 驚喜

驚喜

話說有一個男人，佢好鬼鍾意食蕃薯，但係食完之後佢一定會放好多屁，而且仲係又響又臭。

但最近佢已經下定決心唔再食，原因係佢要結婚喇，佢唔想佢老婆知道後嫌棄佢，所以就逼自己忍口。

咁結左婚後既某一日，佢放工既時候，見到街邊賣緊燴蕃薯，佢因為忍唔到口既關係，所以就買左個黎食。

佢心裏面諗，只要我o係返到屋企前盡量放晒d屁就冇事架喇，咁於是佢就沿途不斷釋放出佢既能量啦。

當佢返到屋企既時候，佢老婆就即刻用條手巾蒙住佢雙眼，同佢講：你跟我黎客廳丫，我有一個驚喜俾你呀~~~

於是佢地兩個人就去到客廳，但係呢個時候，冇啦啦電話突然間響起喎。

佢老婆就同佢講：嗱，而家我去聽個電話先，你一定唔可以偷睇呀，知道嘛？

咁佢老婆就走左去聽電話，點知係呢段時間，佢突然間又屁如泉湧，佢想趁佢老婆返黎前放晒佢。好彩當佢老婆返黎果陣佢已經放晒。

但當佢老婆拆開條手巾果陣，佢根本係有驚冇喜囉！

原來個驚喜係：佢老婆知道個老公今日生日，於是就約晒一班朋友返屋企……

歡迎光臨 TheDeath (http://thedeath.org/forum/)